चालत्‍या गाड्याला खीळ घालणें

मराठी वाक्संप्रदाय - वाक्यप्रचार

   गाडा चांगला चालला असतांना जर त्‍याच्या चाकात खीळ ठोकली, तर गाडा बंद पडेल. यावरून चालू कामं बंद पाडणें. कदाचित्‌ चालत्‍या गाड्याची खीळ काढणें असाहि पूर्वी पाठ असेल. गाड्याच्या आंसास दोन्ही बाजूंस चाकांच्या बाहेरच्या अंगास खिळी असतात. गाडा चालत असतांना जर त्‍यांतील एखादी खीळ काढली तर चाक बाहेर निघून येईल व गाडा बंद पडेल, म्‍हणजे आपले जाणें पुढे होणार नाही व काम बंद पडेल. त्‍याचप्रमाणें चालत्‍या गाड्यास खीळ ठोकून चाक फिरण्याचे बंद केले तरीहि गाडा थांबून काम अडेल.