तेल घालणें

मराठी वाक्संप्रदाय - वाक्यप्रचार

(एखाद्या कामात त्‍या) कामाची खराबी होईल अशी काही तरी वस्‍तु अथवा भीड मध्ये घालणें. बिब्‍बा घालणें, पहा.
(स्‍त्रीविषयीं हा वाक्‍प्रचार योजीत असतात) आपल्‍या स्‍वतःला देवाकडे लावणें
एखाद्या देवाच्या उपयोगाकरितां कसबीण बनणें
गरतपणा सोडून भावीण होणें. देवाच्या दिव्यातील थोडेसे तेल डोक्‍यावर घेण्याने ती आपला उद्देश जाहीर करते. म्‍हणून लग्‍न झालेली स्‍त्री तेल खरेदी करणें ह्या अर्थी ‘तेल घेणें’ असे म्‍हणत नसून ‘तेल ठेवणें’ असे म्‍हणते व तिला तेल खरेदी करावयास सांगावयाचे असल्‍यास ‘तेल घे’ म्‍हणून न सांगतां ‘तेल ठेव’ असे सांगण्याचा रिवाज आहे. ह्या अर्थी ‘तेल जिरविणें’ असेहि म्‍हणत असतात.