स्तुतिः - श्रीविष्णुस्तुतिः ।

नमो ब्रह्मण्यदेवाय गोब्राह्मणहिताय च ॥

जगद्धिताय कृष्णाय गोविंदाय नमो नमः ॥१॥

आकाशात्पतितं तोयं यथा गच्छति सागरम् ॥

सर्वदेवनमस्कारः केशवं प्रति गच्छति ॥२॥

मूकं करोति वाचालं पंगु लंघयते गिरिम् ॥

यत्कृपा तमहं वन्दे परमानन्दमाधवम् ॥३॥

पापोऽहं पापकर्माऽहं पापात्मा पापसंभवः ॥

त्राहि मां पुंडरीकाक्ष सर्वपापहरो भव ॥४॥

कृष्णाय वासुदेवय देवकीनन्दनाय च ॥

नन्दगोपकुमाराय गोविन्दाय नमो नमः ॥५॥

इति श्रीविष्णुस्तुतिः ।