यो रामो न जघान वक्षसि रणे तं रावणं सायकैर्ह्रद्यस्य प्रतिवासरं वसति सा तस्या ह्यहं राघवः ।
मय्यास्ते भुवनावली परिवृता द्वीपैः सम्म सप्तभिः स श्रेयो विदधातु नस्त्रिभुवनत्राणैकचिन्तापरः ॥१॥
राज्यं येन पटान्तलग्नतृणवत्त्यक्त गुरोराज्ञया पाथेयं परिगृह्य कार्मुकवरं धोरं वनं प्रस्थितः ॥
स्वाधीनः शशिमौलिचापविजये प्राप्तो न वै विक्रियां पायाद्वः स विभीषणाग्रजनिहा रामाभिधानो हरिः ॥२॥
कल्याणानां निधानं कलिमलमथनं पावनं पावनानां पाथेयं यन्मुमुक्षोः सपदि परपदप्राप्तये प्रस्थितस्य ॥
विश्रामास्थानमेकं कविवरवचसां जीवनं सज्जनानां बीजं धर्मद्रुमस्य प्रभवतु भवतां भूतये रामनाम ॥३॥
कल्यानोल्लाससीमा कलयतु कुशलं कालमेघाभिरामा काचित्साकेतधामा भवगहनगतिक्लान्तिहारिप्रणामा ॥
सौन्दर्यह्रीणकामा धृतजनकसुतासादरापाङ्गधामा दिक्षु प्रख्यातभूमा ॥
दिविषदभिनुता देवता रामनामा ॥४॥
इति रामस्तुतिः ।