अस्थिसंचयन श्राद्ध

गाईच्या शेणानें चितेची जागा सावरून तीवव्र त्रिकोणाकार वेदी, दक्षिणेस टोक होईल अशारीतीनें करून, देशकालाचा उच्चार करून अपसव्यानें ‘ अमुक गोत्राच्या अमुक प्रेताचें पेतत्व नष्ट होण्यासाठीं वेदीचें आराधन करितों ’ असें म्हणावे अमंत्रक तिलोदक करावें. वेदीला हळद, गुलाल यांनीं रंगवून पाण्यानें भरलेला घडा वेदीवर ठेवावा. त्यावर भाताचा मोठा पिंड ठेवावा; व त्यावर दर्भासह तिलोदक ‘ हा पिंड भोजनासाठी व हें पाणी पिण्यासाठी प्रेतास देतों ’ असें म्हणून द्यावें. त्याच्या पश्चिमभागीं श्मशानवासी रुद्रास, व त्याच्या उत्तरभागीं श्मशानवासी प्रेतांस, व पूर्व अगर दक्षिणभागी प्रेताच्या ( मृताच्या ) मित्रांनां, याप्रमाणें चार उदकंभ व पिंड ठेवावे; नंतर तीन यवाच्या पिठाच्या पोळ्या, तीन छत्र्या, व सहा पादुका करून, त्यापैकी एकेके पोळी, एकेके छत्री आणि दोन दोन पादुका याप्रमाणें काल, मृत्यु, व यम या दहनपतीनां द्याव्या, नंतर स्नान अक्रून अस्थिसंचयनश्राद्ध, नग्नप्रच्छादन श्राद्धाप्रमानेच करावें.