नामदेवाचें चरित्र - ऐसा नामा भक्त पूर्ण केली ...

ऐसा नामा भक्त पूर्ण केली सेवा । उद्धरिलें जीवां संयतीच्या ॥१॥
आवडला नामा देवा विठ्ठलासी । ठेवी चरणापासीं अखंडीत ॥२॥
नामयाची कुडी घातली पायरी । येतां जातां हरी पाय देती ॥३॥
आणिकहि पाय देती साधुसंत । ऐसा पूर्ण भक्त उद्धरिला ॥४॥
न सोडी चिठ्ठल नामयासी घडी । बहु त्याची गोडी विठ्ठलासी ॥५॥
गोडी हे म्हणोनि ठेविलें चरणीं । आहे तो भजनीं नामदेव ॥६॥
ऐसा पांडुरंग भक्तांची माउली । करितो साड्ली मायबाप ॥७॥
नरदेहा आलिया भजावा हा देव । मनीं दुजाभाव धरूम नये ॥८॥
भजाचें भजन नामयाचे परी । होय साहाकारी गोंदा म्हणे ॥९॥