नामदेवाचें चरित्र - नामयाचा नेम पाहों आदरिला ...

नामयाचा नेम पाहों आदरिला । मनामध्यें केला नेम तिणें ॥१॥
मनामध्यें म्हणे आणिक द्यावें बोणें । पाहावी हे खूण कैसी आहे ॥२॥
एके दिवसीं बोणें दिल्हें नाम्यापाशीं । न्यावें हें देवासी म्हणे माय ॥३॥
नामा म्हणे आई जेवील ह्रषिकेशी । आणिक मारिसी मज काय ॥४॥
न मारी म्हणोनि बोलिली गोणाई । माथा ठेवूनि पायीं चालीयेला ॥५॥
नैवेद्य घेऊनि मेला विठूपासीं । बैसले सुखेसी तिघेजणें ॥६॥
तिघेजणें एके ठायीं ते जेविलीं । गोणाई अवचित आली तेथें ॥७॥
कवाडा आडुनी पहात मोणाई । तिघे ऐकठायीं जेविताती ॥८॥
जेवितां देखिले आली ते घरासी । साक्ष आली तिसी गोंदा म्हणे ॥९॥