द्वितीयाः पाद: - सूत्र ४३

न च कर्तु: करणम् ॥४३॥

न च कर्तु: करणम् ।
इतश्चासंगतैषा कल्पना यस्मान्न हि लोके कर्तुर्देवदत्तादे: करणं परश्चाद्युत्पद्यमानं दृश्यते ।
वर्णयन्ति च भागवता: कर्तुर्जीवात्संकर्षणसंज्ञकात्करणं मन: प्रद्युन्नसंज्ञकमुत्पद्यते ।
कर्तृजाच्च तस्मादनिरुद्धसंज्ञकोऽहंकार उत्पद्यत इति ।
न चैतद्दृष्टान्तमन्तरेणाध्यवसातुं शक्नुम: ।
न चैवंभूतां श्रुतिमुपलभाम हे ॥४३॥