द्वितीयाः पाद: - सूत्र ८

अङ्गित्वानुपपत्तेश्च ॥८॥

अङिगत्वानुपपत्तेश्च ।
इतश्च न प्रधानस्य प्रवृत्तिरवकल्पते यद्धि सत्त्वरजस्तमसामन्योन्यगुणप्रधानभावमुत्सृज्य साम्येन स्वरूपमान्त्रेणावस्थानं सा प्रधानावस्था ।
तस्यामवस्थायामनपेक्षस्वरूपाणां स्वरूपप्रणाशभयात्परस्परं प्रत्यङ्गाङ्गिभावानुपपत्ते: ।
बाहयस्य च कस्यचित्क्षोभयितुरभावाद्रुणवैषम्यनिमितो महदाद्युत्पादो न स्यात् ॥८॥