द्वितीयाः पाद: - सूत्र ३२

सर्वथानुपपत्तेश्च ॥३२॥

सर्वथानुपपत्तेश्च ।
किं बहुना सर्वप्रकारेण यथा यथायं वैनाशिकसमय उपपत्तिमत्त्वाय परीक्ष्यते तथा तथा सिकताकूपवद्विदीर्यत एव कांचिदप्यत्रोपपत्तिं पश्याम: ।
अतश्चानुपपन्नो नैनाशिकतन्त्रव्यवहार: ।
अपि च बाहयार्थविज्ञानशून्यवादत्रयमितरेतरविरुद्धमुपदिशता सुगतेन स्पष्टीकृतमात्मनोऽसंबद्धप्रलापित्वं प्रद्वेषो वा प्रजासु विरुद्धार्थप्रतिपत्त्या विमुहयेयुरिमा: प्रजा इति ।
सर्वथाऽप्यनादरणीयोऽयं सुगतसमय: श्रेयस्कामैरित्यभिप्राय: ॥३२॥