विठाचे अभंग - माझिया बापासी तुझाचि विश्...

माझिया बापासी तुझाचि विश्वास । म्हणवी तुझा दास अंतरंग ॥१॥
वृत्तिसहित मन ठेवुनी तुझ्यापाय़ीं । तुजपरतें कांहीं जाणेचिना ॥२॥
तों आम्हांलागीं शब्दें न पुससी । विसरोनी गेलासी दीनानाथा ॥३॥
जागे ठाणांतरी पंढरी चोहोटा । राखे दारवंटा रात्रंदिवस ॥४॥
छत्रचवर धरूं हाडपी डोळे करूं । जाणवी आवसरू सेवा विधी ॥५॥
शरीर प्राणाचा देऊनियां बळी । धरिले ह्रदयकमळीं चरण तुझे ॥६॥
विठा म्हणे तुज नाहीं आठवण । सहज तूं निर्गुण पंढरिराया ॥७॥