उत्तरभागः - अध्यायः ५३

ऋषय ऊचुः ॥
मृत्युंजयविधिं सूत ब्रह्मक्षत्रविशामपि ॥
वक्तुमर्हसि चास्माकं सर्वज्ञोऽसि महामते ॥१॥

सुत उवाच ॥
मृत्युंजयविधिं वक्ष्ये बहुना किं द्विजोत्तमाः ॥
रुद्राध्यायेन विधिना घृतेन नियुतं क्रमात् ॥२॥

सघृतेन तिलेनैव कमलेन प्रयत्नतः ॥
दूर्वया घृतगोक्षीरमिश्रया मधुना तथा ॥३॥

चरुणा सघृतेनैव केवलं पयसापि वा ॥
जुहुयात्काल मृत्योर्वा प्रतीकारः प्रकीर्तितः ॥४॥

इति श्रीलिंगमहापुराणे उत्तरभागे त्रिपंचाशत्तमोऽध्यायः ॥५३॥