प्रारंभीपासून भजन - गुरुराया मजवरी ०।
उठि उठि रे राजगोपाला । मुखप्रक्षालन करुनि सत्वरि सेवि भाकरकाला ॥धृ०॥
दारी उभी बहु भक्तमंडळी । सप्रेमभावे जोडुनि अंजुळी ।
विनविताती तुज वनमाळी । वाढ वेळ झाला ॥१॥
संत सनकादिक अत्रिमुनि । वशिष्ठ पराशर शुक जैमिनी ।
व्यास वाल्मिक नारदमुनि । वाट पाहति नंदलाला ॥२॥
न्हाऊ घालण्या घेउनि डेरा । आला भक्त कुंभार गोरा ।
सावंत्याने आणिला हारतुरा । कबीराचा पहा शेला ॥३॥
तुझा नामदेव शिंपी । घेउनि आला अंगी -टोपी ।
आता जाऊ नको बा झोपी । दर्शन दे सकलाला ॥४॥
नरहरि सोनार कडदोरा तोडे । रोहिदास चांभार सुंदर जोडे ।
जनीने आणिले दूध दहिवडे । सेवि बा मुरलीवाला ॥५॥
अंगण झाडी महार चोखा । सडासंमार्जन करिते बंका ।
घाली लोटांगण कुंभार राका । देई तुका गूळ -खोबरे तुला ॥६॥
घाली रांगोळ्या सखु महाद्वारी । तोरणे बांधी मीरासुंदरी ।
कान्हुपात्रा नृत्य करी । गीत गाई रुक्मिणीबाला ॥७॥
भजन - गुरुवरा सदगुरुवरा ०।
भवकूपी मी पडलो रे । षड्रिपुमाजी दडलो रे ।
त्रिविधतापे कडलो रे । तू धाव बा गुरुराया ॥१॥
चौर्यांशी योनी फिरलो रे । विषयसुखा अनुसरलो रे ।
स्वात्मसुखा विसरलो रे । तू ०॥२॥
नवमास मायोदरी राहिलो रे । तेथे नरकाशी वाहिलो रे ।
तुज विसरुनि मी फसलो रे ॥तू०॥३॥
बाळपणी अति खेळलो रे । तरुणपणी कामी मळलो रे ।
वृद्धपणी आता गळलो रे ॥तू०॥४॥
तुजविण मी परदेशी रे । एकवेळ ने पायापाशी रे ।
करि कलिमलहरणाशी रे ॥तू॥५॥
भजन - मजला उद्धरि ०।
क्या पानीमे मल मल न्हावे । मनके मैल उतार पिया रे ॥धृ०॥
हाडमांसकी देह बनी है । जरे सदा नवद्वार पिया रे ॥१॥
पापकर्म तनके नही छोडे । कैसे होय सुधार पिया रे ॥२॥
संतसंगतकी तीर्थजल निर्मल । नित उठ गोटा मार पिया रे ॥३॥
ब्रह्मानंद भजन कर हरिका । जो चाहे निस्तार पिया रे ॥४॥
भजन - जगदीशा ०।
परदेशी मी परदेशी । बाई । माय बाप कोणी नाहीत मसी ॥धृ॥
पति म्हणे कांता सुत म्हणे माता ।
पति सुत कोणी नाहीत मसी ॥१॥
बंधु म्हणे भगिनी दीर म्हणे वहिनी ।
बंधु दीर कोणी नाहीत मसी ॥२॥
उपाधिरहित मी असे सदोदित ।
रखुमाईवराविण कोणी नाहीत मसी ॥३॥
भजन - श्रीकृष्ण चैतन्यप्रभु नित्यानंदा ०।
भवांबुधितारका । माझ्या पंढरीच्या नायका ॥धृ०॥
भीमातटनिकटी । कर ठेउनिया कटी । उभा विटेवर कां ? ॥१॥
पिवळा पीतांबर । कंठी तुळसीहार । कपाळी शोभे बुका ॥२॥
सदोदित हास्य ओठी । नासाग्री ठेउनि दृष्टी । भक्तां मारिसि हाका ॥३॥
मायबापगणगोत । सर्व असे परि । तुजविण न दिसे सखा ॥४॥
नाम तुझे बहु गोड । परि न घे मन द्वाड । प्रयत्न जाय फुका ॥५॥
निद्रा आळस सदा । भोगविती आपंदा भजनात देती धक्का ॥६॥
देई संतसंगती । भजनी रंगवी मति । पुंडलिकवरदायका ॥७॥
तेहतीस कोटी देव । तेथे न वसे भाव तुजविण नेणे आणिका ॥८॥
चरणकमली शिर । राहो निरंतर । रुक्मिणीच्या मालका ॥९॥
भजन - तुमबिन गुरुजी ०।
नजरोंसे देख प्यारे । क्या रुप है तुम्हारा ।
अपनेको भूल तनमे । बाहिर फिरे गव्हारा ॥धृ०॥
करमे कंकण छिपावे । ढूंढनको दूर जावे ।
फिरके समीप पावे । मनमे करो विचारा ॥१॥
मृगनाभीमे सुगंधी । सुंगे ओ घांस गंधी ।
दुनिया सबी है अंधी । समझे नही इशारा ॥२॥
जिम दूधके मथनसे । मिलता है घी जतनसे ।
तिम ध्यानकी लगनसे । परब्रह्म ले निहारा ॥३॥
जड जान देह सारी । क्षणभंग दुःख हारी ।
ब्रह्मानंद निर्विकारी । चेतन स्वरुप न्यारा ॥४॥
भजन - सच्चिदानंद कृष्ण ०।
गुरु माझा मी गुरुंचा । दास त्यांचा बहुजन्मीचा ॥१॥
चरणी जडले मन हे माझे । आता कवणा घालू मी ओझे ॥२॥
गुरुवाचुनि दैवत नाही । आता शिणलो बहुतां ठायी ॥३॥
म्हणे केशव मी तल्लीन । आता कवणा जाऊ मी शरण ॥४॥
भजन - चला चला रे सर्व मिळोनि ०।
शेवट गोड करी ०। ते विज्ञापना -