सोनाराच्या कानीं गेलं वालभर उणं जालं

मराठी वाक्संप्रदाय - वाक्यप्रचार

   ( व.) सोनार गिर्‍हाईकाला फसविल्याशिवाय कदापि राहणार नाहीं असा लोकांचा ग्रह आहे. तो केव्हां कसा फसविल व गोत्यांत आणील सांगतां येणार नाहीं. अमुक अमुक इसम सोन्याचा अमुक अमुक दागिना अमुक वजनाचा घडविण्यास देणार आहे अशी नुसती वार्ता जरी सोनाराच्या कानीं गेली तरी पुढें तें सोने त्याजकडे घडविण्यास आणतांच खोटीं वजनें वापरुन, दांडी मारुन अनेक युक्त्या करुन निदान-वालभर तरी सोनार कमी आणीलच आणील. ज्यांचा व्यवहारांत अल्पहि संबंध आला तरी जे लोक लबाडी केल्याशिवाय कधीं रहावयाचे नाहींत त्यांस उद्देशून ही म्हण आहे.