संत तुकाराम - कोटि अन्नसंतर्पण । पुरे ए...

संत तुकाराम गाथेत समाविष्ट न केलेले अप्रसिद्ध अभंग.


कोटि अन्नसंतर्पण । पुरे एकचि कीर्तन ॥१॥

नगरद्वारीं लाविला टिळा । दिलें आवतण सकळां ॥२॥

अठरा वर्ण एके ठायीं । वाढी विठ्ठल रखुमाई ॥३॥

नलगे खरकटें हात धुणें । अभेद हरीचीं कीर्तनें ॥४॥

श्रवणद्वारें घेती ग्रास । सदा सोंवळे हरिचे दास ॥५॥

आपण जेउनि जेववि लोकां । संतर्पण करितो तुका ॥६॥

N/A


References : N/A
Last Updated : March 19, 2008