आज्ञापत्र - पत्र ३०

राज्याचा यखतियार सरकारकुनावर द्यावा. (परंतु) त्यांणीं सांगावे तेव्हांच आपणास कळावें यैसे सर्वथा न करावे. आणखी आपले मायेचा विश्वासू मनुष्य त्यासमागमें देशांत व गडकिल्ले यांत व सेवेत ठेऊन त्यांचे हातें किंबहुना वार्तिक मुखें वरचेवरी वर्तमान मनास आणून खबरदार असावें. त्यामुळे त्यांणी केली सेवा व कार्यविशेष व देशांत जाला न्यायान्याय, आपणांस, छदम होऊं न पावतां तत्क्षणीं कळतो. तदनुरुप पारपत्य केलें जातें. अन्यायी अनायासेंच शासन पाऊन हालखुद राहतात.