अथान्त्येष्टिप्रयोगः - गर्भिणीमरणविधिः

देशकालौ संकीर्त्य अमुकगोत्रायाः अमुकप्रेतायाः गर्भिण्यवस्थामरणनिमित्तप्रत्यवायपरिहारद्वारा दाहादियोग्यतासिद्ध्यर्थं त्रयस्त्रिंशत्कृच्छ्रप्रायश्चित्तं प्रतिकृच्छ्रं तत्प्रत्याम्नायत्वेन यथाशक्तिगोनिष्क्रयीभूतं व्यावहारिकद्रव्यं सूतकांते दातुमहमुत्सृजे तथा च - गोभूमि - सुवर्ण - दानानि तत्तन्निष्क्रयीभूतं यथाशक्तिद्रव्यं सूतकांते दातुमहमुत्सृजे । ततः गर्भं पृथक्कृत्य तां दहेत् । सगर्भाया दहने तद्वधप्रायश्चित्तं दाहकर्तुरब्दत्रयं प्रायश्चित्तं च कार्यम् । एतद्गर्भिण्या गर्भनिष्कांसनादिविधानं षण्मासोर्ध्वमेव न तु षण्मासपर्यंतमिति प्रायश्चित्तहेमाद्रौ ॥ इति गर्भिणीमरणविधिः ॥