अथान्हिकादिप्रकरणम् - मनुष्ययज्ञः

न पृच्छेद्गोत्राचरणं देशं नाम कुलं श्रुतम् । अध्वनोऽभ्यागतं विप्रं भोजनार्थमुपस्थितम् । इष्टो वा यदि वा द्वेष्यो मूर्खः पंडित एव वा ॥ संप्राप्तो वैश्वदेवांते सोऽतिथिः स्वर्गसंक्रमः ॥ ततोऽतिथिं प्रति प्रतीक्ष्य तत्पादौ प्रक्षाल्य संपूज्य आमान्नं निवेद्य कस्मैचिद्विप्राय वा ‘ सनकादिमनुष्येभ्य इदं न मम ’ इत्युक्त्वा दद्यात् ॥ इदं नित्यश्राद्धात्प्राक्कार्यम् ॥