प्रसिद्धा इन्द्रियार्थाः ॥१॥
इन्द्रियार्थाप्रसिद्धिरिन्द्रियार्थेभ्योर्ऽथान्तरस्य हेतुः ॥२॥
सो ऽनपदेशः ॥३॥
कारणाज्ञानात् ॥४॥
कार्येषु ज्ञानात् ॥५॥
अज्ञानाच्च ॥६॥
अन्यदेव हेतुरित्यनपदेशः ॥७॥
अर्थान्तरं ह्यर्थान्तरस्यानपदेशः ॥८॥
संयोगि समवाय्येकार्थसमवायि विरोधि च ॥९॥
कार्यं कार्यान्तरस्य ॥१०॥
विरोध्यभूतं भूतस्य ॥११॥
भूतमभूतस्य ॥१२॥
भूतो भूतस्य ॥१३॥
प्रसिद्धिपूर्वकत्वादपदेशस्य ॥१४॥
अप्रसिद्धो ऽनपदेशो ऽसन् सन्दिग्धश्चानपदेशः ॥१५॥
यस्माद्विषाणी तस्मादश्वः ॥१६॥
यस्माद्विषाणी तस्माद्गौरितिचानैकान्तिकस्योदाहरणम् ॥१७॥
आत्मेन्द्रियार्थसन्निकर्षाद्यन्निष्पद्यते तदन्यत् ॥१८॥
प्रवृत्तिनिवृत्ती च प्रत्यगात्मनि दृष्टे परत्र लिङ्गम् ॥१९॥