शंकराची आरती - भस्मासुरां करिसी स्ववराने...

भस्मासुरां करिसी स्ववरानें थोर । दैत्याचे मस्तकींठेवला कर ॥
त्याकरितां घेसी विष्णू अवतार । सिंहनाद लागे नाचाया मोर ॥ १ ॥
जयदेव जयदेव जय सोमेश्वरदेवा । पंचारति करितों मी हरहर महादेवा ॥ धृ. ॥
रामाचे चरित्र सांगसि पार्वती । तेव्हा तुजला करी गिरिजा आरती ॥
अर्धांगी गिरिजेसह घेसी गणपती । ऎसी तुझी करणी जगतातें ख्याती ॥ २ ॥
तुझा हा उत्साह शुद्ध कार्तिक मासी । सत्वर जन येती तव दर्शनासी ॥
येती त्यांचे मनोरथ पूर्ण करीसी । म्हणुनि रघुसुत नमितो तवचरणापासीं ॥ ३ ॥