भोंडल्याची गाणी - नणंद भावजया खेळत होत्य...

नवरात्रात मुली आणि स्त्रिया एकत्र येऊन, हतीचे चित्र अथवा मुर्ती भोवती फेर धरून पारंपारिक गाणी म्हणतात,

Bhondala is the simple gathering of unmarried girls and/or young women during the late evening of Navaratri. They gather and sing the listed songs while holding hands and moving around an image of an elephant. This elephant, in center of gathering is a symbolic presence of Lord Ganesha.


नणंद भावजया खेळत होत्या, भावजयीवर आळा डाव भावजय बसली रुसुन.

सासुरवासी सुन रुसुन बसली कैसी

यादवराया । राणी घरासी येईल कैसी ॥१॥

सासरा गेला समजावयाला । 'ऊठ ऊठ मुली चल घराला

माझी दौत लेखणी देतो तुला'

'तुमची दौत लेखणी नको मला । मी नाही यायची तुमच्या घराला'॥२॥

सासु गेलीं समजावयाला । 'ऊठ ऊठ मुली चल घराला

माझा डेरा रवी देते तुला'

तुमचा डेरा रवी नको मजला । मी नाही यायची तुमच्या घराला ॥३॥

दीर गेका समजावयाला । 'ऊठा ऊठा वहिनी चला घराला

माझा विटी दांडू देतो तुम्हाला'

तुमचा विटी दांडु नको मला । मी नाही यायची तुमच्या घराला ॥४॥

जाऊ गेली समजावयाला । 'ऊठा ऊठा बाई चला घराला

माझा फणी करंडा देते तुम्हाला'

तुमची फणी करंडा नको मला । मी नाही यायचे तुमच्या घराला ॥५॥

नणंद गेली समजावयाला ।'ऊठा ऊठा वहिनी चला घराला

माझा खेळ देते तुम्हाला'

तुमचा खेळ नको मला । मी नाही यायचे तुमच्या घराला ॥६॥

पति गेले समजावयाला । 'ऊठ ऊठ राणी चल घराला

माझा लाल चाबुक देतो तुला'

तुमचा लाल चाबूक हवा मला । मी येते तुमच्या घराला ॥७॥

सासुरवासी सुन घरासे आली ऎसी

यादवराया । राणी घरासी आली ऎसी

आणा फणकट घाला वेणकट जाऊद्या सुनकट माहेरा

आणली फणी घातली वेणी गेली राणी माहेरा ॥८॥

N/A


References : N/A
Last Updated : March 03, 2010