चैत्रकृष्णे पिशाचचतुर्दशी

नील उवाच
ततश्चतुर्दशीं प्राप्य तामेव व्दिजपुंगव ॥६७४॥
संपूज्य शंकरं कार्य्यो रात्रौ सुमदुत्सव:।
तस्यां विर्पचतुर्दश्यां निकुम्ब: शंकरं सदा ॥६७५॥
संपूजयति धर्मात्मा सानुयात्रो महाबल: ।
तस्यां तदा प्रकर्तव्यो निशि नित्यं प्रजागर: ॥६७६॥
पूजा च देवदेवस्य शंभो: कार्या प्रयक्षत: ।
पूजनीयो निष्कुम्बश्च पिशाचाधिपतिर्बली ॥६७७॥
पिशाचानां च दातव्या: बलयश्च सुसंस्कृता: ।
वृक्षमूलेषु गोष्ठेषु गृहेषु विविधेषु च ॥६७८॥
चतुष्पथेषु रथ्यासु चत्वरेषु नदीषु च ।
शून्यालयेषु मुख्येषु गिरीणां शिखरेषु च ॥६७९॥
अट्टालक श्मशानेषु राजमार्गेषु काश्यप ।
तां रात्रिं लक्षणं (?) कार्ये बालकानां गृहे गृहे ॥६८०॥
पुश्चंलीसहितैर्नेया क्रीडामार्गेषु सा निशा ।
ब्रह्मचर्य्यण गीतेन नृतैर्वाद्यैर्मनोहरै: ॥६८१॥
इति श्री नीलमते चैत्रकृष्णे पिशाचचतुर्दशी ॥