सतीसरोवर्णनम्

बृहदश्व उवाच ।
इदं च शिखरं पश्य देशेऽस्मिन्नृप पश्चिमे ॥६२॥
नौबन्धनमिति ख्यातं पुण्यं पापभयापहम्‍ ।
कृततुल्ये तदा काले व्यतीते तु मनुस्तदा ॥६३॥
विदधाति प्रजावर्ग यथापूर्वमरिन्दम ।
नौदेहेन सती देवी भूमिर्भवती पार्थिव ॥६४॥
तस्यां तु भूमौ भवति सरस्तु विमलोदकम्‍ ।
षडयोजनायतं रम्यं तदर्धेन न विस्तृतम्‍ ॥६५॥
सतीदेश इति ख्यातं देवाक्रीडं मनोहरम्‍ ।
श्राकाशमिव गम्भीरं जलजैश्च विवर्जितम्‍ ॥६६॥
शीतलामलपानीयं सर्वभूमिमनोहरम्‍ ।
इति नीलमते सतीसरोवर्णनम्‍ ।