अदृश्यरूपाः कालस्य मूर्तयो भगणाश्रिताः ।
शीघ्रमन्दोच्चपाताख्या ग्रहाणाम् गतिहेतवः ॥१॥
तद्वातरश्मिभिर् बद्धास् तैस् सव्येतरपाणिभिः ।
प्राक् पश्चाद् अपकृष्यन्ते यथासन्नम् स्वदिङ्मुखम् ॥२॥
प्रवहाख्यो मरुत् ताम्स् तु स्वोच्चाभिमुखम् ईरयेत् ।
पूर्वापराकृष्टास् ते गतिम् यान्ति पृथग्विधाः ॥३॥
ग्रहात् प्राग्भगणार्धस्थः प्राङ्मुखम् कर्षति ग्रहम् ।
उच्चसम्ज्ञो अपरार्धस्थस् तद्वत् पश्चान्मुखम् ग्रहम् ॥४॥
स्वोच्चापकृष्टा भगणैः प्राङ्मुखम् यान्ति यद् ग्रहाः ।
तत् तेषु धनम् इत्य् उक्तम् ऋणम् पश्चान्मुखेषु च ॥५॥
दक्षिणोत्तरतो अप्य् एवम् पातो राहुः स्वरम्हसा ।
विक्षिपत्य् एष विक्षेपम् चन्द्रादीनाम् अपक्रमात् ॥६॥
उत्तराभिमुखम् पातो विक्षिपत्य् अपरार्धगः ।
ग्रहम् प्राग्भगणार्धस्थो याम्यायाम् अपकर्षति ॥७॥
बुधभार्गवयोः शीघ्रात् तद्वत् पातो यदा स्थितः ।
तच्छीघ्राकर्षणात् तौ तु विक्षिप्येते यथोक्तवत् ॥८॥
महत्वान् मण्डलस्यार्कः स्वल्पम् एवापकृष्यते ।
मण्डलाल्पतया चन्द्रस् ततो बह्व् अपकृष्यते ॥९॥
भौमादयो अल्पमूर्तित्वाच् छीघ्रमन्दोच्चसञ्ज्ञकैः ।
दैवतैर् अपकृष्यन्ते सुदूरम् अतिवेगिताः ॥१०॥
अतो धनर्णम् सुमहत् तेषाम् गतिवशाद् भवेत् ।
आकृष्यमाणास् तैर् एवम् व्योम्नि यान्त्य् अनिलाहताः ॥११॥
वक्रातिवक्रा विकला मन्दा मन्दतरा समा ।
तथा शीघ्रतरा शीघ्रा ग्रहाणाम् अष्टधा गतिः ॥१२॥
तत्रातिशीघ्रा शीघ्राख्या मन्दा मन्दतरा समा ।
ऋज्वीति पञ्चधा ज्ञेया या वक्रा सातिवक्रगा ॥१३॥
तत्तद्गतिवशान् नित्यम् यथा दृक्तुल्यताम् ग्रहाः ।
प्रयान्ति तत् प्रवक्ष्यामि स्फुटीकरणम् आदरात् ॥१४॥
राशिलिप्ताष्टमो भागः प्रथमम् ज्यार्धम् उच्यते ।
तत् तद्विभक्तलब्धोनमिश्रितम् तद् द्वितीयकम् ॥१५॥
आद्येनैवम् क्रमात् पिण्डान् भक्त्वा लब्धोनसम्युताः ।
खण्डकाः स्युश् चतुर्विम्शज्यार्धपिण्डाः क्रमाद् अमी ॥१६॥
तत्त्वाश्विनो अङ्काब्धिकृता रूपभूमिधरर्तवः ।
खाङ्काष्टौ पञ्चशून्येशा बाणरूपगुणेन्दवः ॥१७॥
शून्यलोचनपञ्चैकाश् छिद्ररूपमुनीन्दवः ।
वियच्चन्द्रातिधृतयो गुणरन्ध्राम्बराश्विनः ॥१८॥
मुनिषड्यमनेत्राणि चन्द्राग्निकृतदस्रकाः ।
पञ्चाष्टविषयाक्षीणि कुञ्जराश्विनगाश्विनः ॥१९॥
रन्ध्रपञ्चाष्टकयमा वस्वद्र्यङ्कयमास् तथा ।
कृताष्टशून्यज्वलना नगाद्रिशशिवह्नयः ॥२०॥
षट्पञ्चलोचनगुणाश् चन्द्रनेत्राग्निवह्नयः ।
यमाद्रिवह्निज्वलना रन्ध्रशून्यार्नवाग्नयः ॥२१॥
रूपाग्निसागरगुणा वस्वग्निकृतवह्नयः ।
प्रोज्झ्योत्क्रमेण व्यासार्धाद् उत्क्रमज्यार्धपिण्डिकाः ॥२२॥
मुनयो रन्ध्रयमला रसषट्का मुनीश्वराः ।
द्व्यष्टैका रूपषड्दस्राः सागरार्थहुताशनाः ॥२३॥
खर्तुवेदा नवाद्र्यर्था दिङ्नागास् त्र्यर्थकुञ्जराः ।
नगाम्बरवियच्चन्द्रा रूपभूधरशङ्कराः ॥२४॥
शरार्णवहुताशैका भुजङ्गाक्षिशरेन्दवः ।
नवरूपमहीध्रैका गजैकाङ्कनिशाकराः ॥२५॥
गुणाश्विरूपनेत्राणि पावकाग्निगुणाश्विनः ।
वस्वर्णवार्थयमलास् तुरङ्गर्तुनगाश्विनः ॥२६॥
नवाष्टनवनेत्राणि पावकैकयमाग्नयः ।
गजाग्निसागरगुणा उत्क्रमज्यार्धपिण्डकाः ॥२७॥
परमापक्रमज्या तु सप्तरन्ध्रगुणेन्दवः ।
तद्गुणा ज्या त्रिजीवाप्ता तच्चापम् क्रान्तिर् उच्यते ॥२८॥
ग्रहम् सम्शोध्य मन्दोच्चात् तथा शीघ्राद् विशोध्य च ।
शेषम् केन्द्रपदम् तस्माद् भुजज्या कोटिर् एव च ॥२९॥
गताद् भुजज्या विषमे गम्यात् कोटिः पदे भवेत् ।
युग्मे तु गम्याद् बाहुज्या कोटिज्या तु गताद् भवेत् ॥३०॥
लिप्तास् तत्त्वयमैर् भक्ता लब्धम् ज्यापिण्डिकम् गताम् ।
गतगम्यान्तराभ्यस्तम् विभजेत् तत्त्वलोचनैः ॥३१॥
तदवाप्तफलम् योज्यम् ज्यापिण्डे गतसम्ज्ञके ।
स्यात् क्रमज्याविधिर् अयम् उत्क्रमज्यास्व् अपि स्मृतः ॥३२॥
ज्याम् प्रोज्झ्य शेषम् तत्त्वाश्विहतम् तद्विवरोद्धृतम् ।
सम्ख्यातत्त्वाश्विसम्वर्गे सम्योज्य धनुर् उच्यते ॥३३॥
रवेर् मन्दपरिध्यम्शा मनवः शीतगो रदाः ।
युग्मान्ते विषमान्ते तु नखलिप्तोनितास् तयोः ॥३४॥
युग्मान्ते अर्थाद्रयः खाग्निसुराः सूर्या नवार्णवाः ।
ओजे द्व्यगा वसुयमा रदा रुद्रा गजाब्दयः ॥३५॥
कुजादीनाम् अतः शीघ्रा युग्मान्ते अर्थाग्निदस्रकाः ।
गुणाग्निचन्द्राः खनगा द्विरसाक्षीणि गोअग्नयः ॥३६॥
ओजान्ते द्वित्रियमला द्विविश्वे यमपर्वताः ।
खर्तुदस्रा वियद्वेदाः शीघ्रकर्मणि कीर्तिताः ॥३७॥
ओजयुग्मान्तरगुणा भुजज्या त्रिज्ययोद्धृता ।
युग्मे वृत्ते धनर्णम् स्याद् ओजाद् ऊनाधिके स्फुटम् ॥३८॥
तद्गुणे भुजकोटिज्ये भगणाम्शविभाजिते ।
तद्भुजज्याफलधनुर् मान्दम् लिप्तादिकम् फलम् ॥३९॥
शैघ्र्यम् कोटिफलम् केन्द्रे मकरादौ धनम् स्मृतम् ।
सम्शोध्यम् तु त्रिजीवायाम् कर्क्यादौ कोटिजम् फलम् ॥४०॥
तद्बाहुफलवर्गैक्यान् मूलम् कर्णश् चलाभिधः ।
त्रिज्याभ्यस्तम् भुजफलम् चलकर्णविभाजितम् ॥४१॥
लब्धस्य चापम् लिप्तादिफलम् शैघ्र्यम् इदम् स्मृतम् ।
एतद् आद्ये कुजादीनाम् चतुर्थे चैव कर्मणि ॥४२॥
मान्दम् कर्मैकम् अर्केन्दोर् भौमादीनाम् अथोच्यते ।
शैघ्र्यम् मान्दम् पुनर् मान्दम् शैघ्र्यम् चत्वार्य् अनुक्रमात् ॥४३॥
मध्ये शीघ्रफलस्यार्धम् मान्दम् अर्धफलम् तथा ।
मध्यग्रहे मन्दफलम् सकलम् शैघ्र्यम् एव च ॥४४॥
अजादिकेन्द्रे सर्वेषाम् शैघ्र्ये मान्दे च कर्मणि ।
धनम् ग्रहाणाम् लिप्तादि तुलादाव् र्णम् एव च ॥४५॥
अर्कबाहुफलाभ्यस्ता ग्रहभुक्तिर् विभाजिता ।
भचक्रकलिकाभिस् तु लिप्ताः कर्या ग्रहे अर्कवत् ॥४६॥
स्वमन्दभुक्तिसम्शुद्धा मध्यभुक्तिर् निशापतेः ।
दोर्ज्यान्तरादिकम् कृत्वा भुक्ताव् ऋणधनम् भवेत् ॥४७॥
ग्रहभुक्तेः फलम् कार्यम् ग्रहवन् मन्दकर्मणि ।
दोर्ज्यान्तरगुणा भुक्तिस् तत्त्वनेत्रोद्धृता पुनः ॥४८॥
स्वमन्दपरिधिक्षुण्णा भगणाम्शोद्धृता कलाः ।
कर्क्यादौ तु धनम् तत्र मकरादाव् ऋणम् स्मृतम् ॥४९॥
मन्दस्फुटीकृताम् भुक्तिम् प्रोज्झ्य शीघ्रोच्चभुक्तितः ।
तच्छेशम् विवरेणाथ हन्यात् त्रिज्यान्त्यकर्णयोः ॥५०॥
चलकर्णहृतम् भुक्तौ कर्णे त्रिज्याधिके धनम् ।
ऋणम् ऊने अधिके प्रोज्झ्य शेषम् वक्रगतिर् भवेत् ॥५१॥
दूरस्थितः स्वशीघ्रोच्चाद् ग्रहः शिथिलरश्मिभिः ।
सव्येतराकृष्ततनुर् भवेत् वक्रगतिस् तदा ॥५२॥
कृतर्तुचन्द्रैर् वेदेन्द्रैः शून्यत्र्येकैर् गुणाष्टभिः ।
शररुद्रैश् चतुर्थेषु केन्द्राम्शैर् भूसुतादयः ॥५३॥
भवन्ति वक्रिणस् तैस् तु स्वैः स्वैश् चक्राद् विशोधितैः ।
अवशिष्टाम्शतुल्यैः स्वैः केन्द्रैर् उज्झन्ति वक्रताम् ॥५४॥
महत्त्वाच् छीघ्रपरिधेः सप्तमे भृगुभूसुतौ ।
अष्टमे जीवशशैजौ नवमे तु शनैश्चरः ॥५५॥
कुजार्किगुरुपातानाम् ग्रहवच् छीघ्रजम् फलम् ।
वामम् तृतीयकम् मान्दम् बुधभार्गवयोः फलम् ॥५६॥
स्वपातोनाद् ग्रहाज् जीवा शीघ्राद् भृगुजसौम्ययोः ।
विक्षेपघ्न्य् अन्त्यकर्णाप्ता विक्षेपस् त्रिज्यया विधोः ॥५७॥
विक्षेपापक्रमैकत्वे क्रान्तिर् विक्षेपसम्युता ।
दिग्भेदे वियुता स्पष्टा भास्करस्य यथागता ॥५८॥
ग्रहोदयप्राणहता खखाष्टैकोद्धृता गतिः ।
चक्रासवो लब्धयुता स्वाहोरात्रासवः स्मृताः ॥५९॥
क्रान्तेः क्रमोत्क्रम्मज्ये द्वे कृत्वा तत्रोत्क्रमज्यया ।
हीना त्रिज्या दिनव्यासदलम् तद्दक्षिणोत्तरम् ॥६०॥
क्रान्तिज्या विषुवद्भाघ्नी क्षितिज्या द्वादशोद्धृता ।
त्रिज्यागुणाहोरात्रार्धकर्णाप्ता चरजासवः ॥६१॥
तत्कार्मुकम् उदक्क्रान्तौ धनशनी पृथक्स्थिते ।
स्वाहोरात्रचतुर्भागे दिनरात्रिदले स्मृते ॥६२॥
याम्यक्रान्तौ विपर्यस्ते द्विगुणे तु दिनक्षपे ।
विक्षेपयुक्तोनितया क्रान्त्या भानाम् अपि स्वके ॥६३॥
भभोगो अष्टशतीलिप्ताः खाश्विशैलास् तथा तिथेः ।
ग्रहलिप्ताभभोगाप्ता भानि भुक्त्या दिनादिकम् ॥६४॥
रवीन्दुयोगलिप्ताभ्यो योगा भभोगभाजिताः ।
गता गम्याश् च षष्टिघ्न्यो भुक्तियोगाप्तनाडिकाः ॥६५॥
अर्कोनचन्द्रलिप्ताभ्यस् तिथयो भोगभाजिताः ।
गता गम्याश् च षष्टिघ्न्यो नाड्यो भुक्त्यन्तरोद्धृताः ॥६६॥
ध्रुवाणि शकुनिर् नागम् तृतीयम् तु चतुष्पदम् ।
किम्स्तुघ्नम् तु चतुर्दश्याः कृष्णायाश् चापरार्धतः ॥६७॥
बवादीनि ततः सप्त चराख्यकरणानि च ।
मासे अष्टकृत्व एकैकम् करणानाम् प्रवर्तते ॥६८॥
तिथ्यर्धभोगम् सर्वेषाम् करणानाम् प्रकल्पयेत् ।
एषा स्फुतगतिः प्रोक्ता सूर्यादीनाम् खचारिणाम् ॥६९॥