चोरीचा मामला, हळूहळू बोंबला

मराठी वाक्संप्रदाय - वाक्यप्रचार

   शिमग्‍यात चोरी करण्यास जातात व चोरी करून येतात, तेव्हां नेहमीप्रमाणें मोठ्याने बोंबलत नाहीत. चोरी कळूं नये म्‍हणून बोंब हळू मारण्यास सांगतात. चोरी करतांना व तिचे वाटे वगैरे कामे करतांना सर्व गोष्‍टी शांतपणें कराव्या लागतात. त्‍यामध्ये जरी काही आपत्ति आली तरी उघडपणें तिजबद्दल चर्चा करतां येत नाही, तर ती निमूटपणें सहन करावी लागते. काही चोर चोरी करावयास गेले असतां भिंतीवरून उडी टाकीत असतां त्‍यापैकी एक चोर पडून मेला. तेव्हां बाकीचे चोर आरडाओरड व शोक करूं लागले
    तेव्हां त्‍यांपैकी एक म्‍हणतो, की आपण चोरीच्या कामांत आहोत याकरितां शोकसुद्धा मोठ्याने करतां कामा नये. तु०-चोराची आई० पहा.