आईजी राणी, बाईजी राणी, तोंड धुवायला कोण देणार पाणी

मराठी वाक्संप्रदाय - वाक्यप्रचार

   एखाद्या ठिकाणी पुष्कळ बायका जमल्या व सर्व आईजी, बाईजी आपणांस राणीप्रमाणें थोर समजूं लागल्या व प्रत्येकीनें आपणांस कोणी तरी दासीनें तोंड धुवावयास पाणी आणून दिले पाहिजे अशी अपेक्षा केली तर सर्वच आपणांस राणीप्रमाणें मानीत असल्यानें दासीपणा कोणीच पतकरणार नाही व कोणी पाणीहि आणून देणार नाही. तेव्हां समाजात आपण जमलो म्हणजे कोणी काही कोणी काही असे काम केल्याशिवाय कोणतेच कार्य होणार नाही. सर्वच माणसे मानापमानाच्या कल्पना घेऊन बसली तर सर्व काम जागच्या जागी राहील. याकरितां समाजात सर्वांचे काम करीत असतां लहान थोर हा भेदभाव लक्ष्यांत न घेतां, पडेल ते काम केले तरच कोणतेहि कार्य तडीस जाते. तु०-तुमबी तांडेल
   हमबी तांडेल, तो धमत कोण सांडेल. आयजीच्या जीवावर (दोंदावर) बाईंजी उदार, दिवसा दिवा रात्रीचा अंधार
   आईजीच्या जिवावर बाईजी उदार, आणि सासवेच्या दोंदावर जावई उदार
    जेव्हां एखादा मनुष्य दुसर्‍याचा पैसा वाटेल तसा उधळतो व मोठेपणा दाखवितो त्यावेळी वापरतात.