लावानकनामा

यौगन्धरायणवचो निशम्येति जनाधिपः ।
एवमेतदिति प्राह विस्मयाविष्टचेतनः ॥४१२॥
ततः प्रियतमाकेलिविलासरसिको नृपः ।
परित्यक्त इवाभ्येत्य रराज विजयश्रिया ॥४१३॥
कौशाम्बीमथ सौधसङ्गितरुणीं नेत्रांशुनीलोत्पल -
स्रग्दामाभरणाधिवाससुभगः कान्तासहायो नृपः ।
आकर्णायतकामकार्मुकलताकेंकारतारैर्मुहुः
प्रत्यग्रोत्सवलोलपौरललनाकाञ्चीरवैः पूरिताम् ॥४१४॥

इति क्षेमेन्द्रविरचिते बृहत्कथासारे लावानकनामा तृतीयो लम्बकः समाप्तः ।