संत निवृत्तीनाथांचे अभंग - आपुलेनि हातें कवळु समर्पी...

आपुलेनि हातें कवळु समर्पी । ब्रह्मार्पण मुखीं ब्रह्मपणे ॥ १ ॥

सोपान सावंता निवृत्ति निधान । यासि जनार्दन कवळ देतु ॥ २ ॥

ब्रह्मपद हरि बाह्य अभ्यंतरीं । सर्वत्र श्रीहरि दिसे तया ॥ ३ ॥

देऊनि हस्तक पुशी पीतांबरें । पुसतसे आदरें काय आवडे ॥ ४ ॥

राहीरखुमाबाई कासवीतुसार । अमृत सार सर्वाघटी ॥ ५ ॥

निवृत्ति खेचर सोपान सांवता । हरि कवळु देतां तृप्त जाले ॥ ६ ॥