भक्तवत्सलता - अभंग १०६ ते १०८

१०६.
सगुण संपन्न पंढरीच्या राया । आमुच्या स्वामिया केशिराजा ॥१॥
रामकृष्ण हरी श्रीधरा मुकुंदा । सज्जनीं स्वानंदा सर्वातीता ॥२॥
गोविंद गोपाळ गोपवेषधारी । गोवर्धन धरी नखावरी ॥३॥
दुष्ट दुर्जनासी दु:ख फार चित्तां । पावन पतितां नामा ह्मणे ॥४॥

१०७.
जय विठ्ठल श्रीविठ्ठल । जय जय विठ्ठल विठ्ठल ॥१॥
परब्रह्म विठ्ठल मूर्ति विठ्ठल । निरंजन विठ्ठल ॥२॥
जोचि नाम । तोचि देवो । ऐसें म्हणों तरी  नाहीं संदेहो ॥३॥
ह्मणे विष्णुदास नामा । तो नेईल परत गामा ॥४॥

१०८.
येंईवो विठ्ठले माते माउलीये । निढळावरी कर ठेऊनि वाट मी पाहें ॥१॥
येतियास पुसें जात्या निरोप । पंढरपुरीं माझा मायबाप ॥२॥
पितांबार शेला कैसा गगनीं झळकला । गरुडावरी बैसूनि माझा कैवारी आला ॥३॥
विठोबाचें राज्य आह्मां नित्य दिवाळी । विष्णुदास नामा जिवेंभावें ओंवाळी ॥४॥