सदस्यांनी शपथ घेणे किंवा प्रतिज्ञा करणे . १८८ .
राज्याच्या विधानसभेचा किंवा विधानपरिषदेचा प्रत्येक सदस्य आपले स्थान ग्रहण करण्यापूर्वी , राज्यपालासमोर अथवा त्याने शपथ घेणे किंवा प्रतिज्ञा करणे याच्या संबंधात नियुक्त्त केलेल्या कोणत्याही व्यक्त्तीसमोर , तिसर्‍या अनुसूचीत या प्रयोजनार्थ दिलेल्या नमुन्यानुसार शपथ घेऊन किंवा प्रतिज्ञा करुन त्याखाली सही करील .
सभागृहांमधील मतदान . जागा रिक्त्त असतानाही कार्य करण्याचा सभागृहांचा अधिकार व गणपूर्ती . १८९ .
( १ ) या संविधानात अन्यथा तरतूद केली असेल तेवढे सोडून इतर बाबतीत , राज्य विधानमंडळाच्या सभागृहाच्या कोणत्याही बैठकीतील सर्व प्रश्न , अध्यक्ष अथवा सभापती म्हणून कार्य करणारी व्यक्त्ती यांच्या व्यतिरिक्त्त अन्य उपस्थित असलेल्या व मतदान करणार्‍या सदस्यांच्या बहुमताने निर्णीत केले जातील .
अध्यक्ष किंवा सभापती , किंवा त्या नात्याने कार्य करणारी व्यक्त्ती पहिल्या फेरीत मतदान करणार नाही . पण मते समसमान झाल्यास तिला निर्णायक मत देण्याचा अधिकार असेल व तो अधिकार ती वापरील .
( २ ) राज्य विधानमंडळाच्या सभागृहाच्या सदस्यकुलात कोणतीही जागा रिक्त्त असली तरी त्या सभागृहाला कार्य करण्याचा अधिकार असेल आणि राज्य विधानमंडळातील कोणतेही कामकाज , त्या कामकाजाच्या वेळी तेथे स्थानापन्न होण्याचा किंवा मतदान करण्याचा किंवा अन्यथा भाग घेण्याचा जिला हक्क नव्हता अशा एखाद्या व्यक्त्तीने ते केले आहे . असे मागाहून आढळून आले तरीही विधिग्राह्य राहील .
( ३ ) राज्य विधानमंडळ कायद्याद्वारे अन्यथा तरतूद करीपर्यंन्त राज्य विधानमंडळाच्या सभागृहाची सभा होण्यासाठी गणपूर्ती ही . दहा सदस्य किंवा त्या सभागृहाच्या एकूण सदस्य संख्येच्या एक - दशांश इतकी असेल .
( ४ ) राज्याच्या विधानसभेची किंवा विधानपरिषदेची सभा चालू असताना एखाद्या वेळी गणपूर्ती झालेली नसेल तर , सभागृह तहकूब करणे किंवा गणपूर्ती होईपर्यंत सभा स्थगित करणे हे अध्यक्षाचे किंवा सभापतीचे . किंवा त्या नात्याने कार्य करणार्‍या व्यक्त्तीचे कर्तव्य असेल .