अथ भूमिपरीक्षा ॥
निखनेद्धस्तमात्रेण पुनस्तेनैव पूरयेत । पांसुनाधिकमध्योना श्रेष्ठा मध्याधमाक्रमात ॥६१॥
जलेनापूरयेच्छवभ्रं शीघ्रं गत्वा पदैः शतम । तथैवागम्य वीक्षते न हीनसलिला शुभा ॥
अरत्निमात्रे श्वभ्रे वा ह्यनुलिप्ते च सर्वतः ॥६२॥
घृतमामशरावस्थं कृत्वा वर्तिचतुष्ट्यम । ज्वालयेद्भूपरीक्षार्थ संपूर्ण सर्वदिड्मुखम ॥६३॥
दीप्ता पूर्वादि गृह्णीयाद्वर्णानामनुपूवशः । हलाकृष्टे तथोद्देशे सर्वबीजानि वापयेत ॥६४॥
त्रिपञ्चसप्तरात्रेण न प्ररोहन्ति तान्यपि । उप्त बीजा त्रिरात्रेण सांकुरा शोभना मही ॥६५॥
मध्यमा पन्चरात्रेण सप्तरात्रेण निन्दिता । तिलान्वा वापयेत्तत्र यवांश्चापि च सर्षपान ॥६६॥
अथवा सर्वधान्यानि वापयेच्च समन्ततः । यत्र नैव प्ररोहन्ति तां प्रयत्नेन वर्जयेत ॥६७॥
व्रीहयः शालयो मुद्गागोधूमः सर्षपास्तिलाः । यवाश्चौषधयः सप्त सर्वबीजानि चैव हि ॥६८॥
सुवर्णताम्रपुष्पाणि श्वभ्रमध्यगतानि च । यस्य नाम्नि समायन्ति सा भूमिस्तस्य शोभना ॥६९॥
पांसवो रेणुतां नीत्वा निरीक्षेदन्तरिक्षगाः । अधोमध्योर्ध्वगा नृणां गतितुल्यफलप्रदाः ॥७०॥
कुष्टां प्ररुढवीजां गोऽध्युषितां ब्राह्मणैस्तथा । गत्वा महीं गृहपतिः काले सांवत्सरोदिते ॥७१॥
अथ शकुनानि ॥पुण्याहशंखाध्ययनाम्बुकुम्भा विप्राश्च वीणापटहस्वनानि ।
पुत्रान्विता स्त्री गुरवो मृदंगा बाद्यानी भेरीनिनदाः प्रशस्ताः ॥७२॥
कन्या सुधौतांबरवासकारी मृदः सुरस्यास्सुरभीस्सुगन्धाः ।
पुष्पाणि चामीकररौय्यमुक्ताप्रवालभक्ष्याणि शुभावहानि ॥७३॥
मृगाराञ्ज्नबद्धैकपशुश्चौष्णीषचंदनम । आदर्शव्यजनं वर्द्धमानश्चापि शुभावहाः ॥७४॥
आमिषं दधि दुग्धं च नृयानं छत्र मेव च । मीनानि मिथुनं पुंसामायुरारोग्यवृद्धिदम ॥७५॥
कमलममलं गीतारावः सितोक्षमृगा द्विज गमनसमये पुंसां धन्या गृहाद्यधिवासिते ।
गजहयसुवासिन्यस्तथा प्रवरांगना धनसुखारोग्यायुष्प्रदा गृहकर्मणि ॥७६ ॥
गणिका चांकुशं दीपं मालां बालां सुभूषिताम । तथा वृष्टिर्गृहारंभे निवेशे समभीष्टदा ॥७७॥
अथापशकुनानि ॥
दुर्वाणी शत्रुवाणी च मद्यं चर्मास्थिरेव च । तृणं तुषं तथा सर्पचर्म चांगारमेव च ॥७८॥
कार्पासलवणं पंकक्लीबतैलौषधानि च । पुरीषं कृष्णधान्यानि व्याधिताभ्यक्तमेव च ॥७९॥
पतितो जटिलोन्मत्तौ मुण्डी नग्न शिरस्तथा । इन्धनानि विरावं च द्विपक्षिमृगमानुषम ॥८०॥