गज्जलाञ्जलि - हाल काय दासाचे, काळजी न ख...

हाल काय दासाचे, काळजी न खावन्दा,
मी परी तुझा झालों स्वामिनी, खडा बन्दा,

जन्मभूमि सोडूनि आप्तपाश तोडूनी
देहदुक्ख जोडूनी जाहलों परागन्दा.

ही न शेज पुष्पांची, खाच मात्र काठयाची,
लुप्त हींत झालेल्या शोधितों मनोगन्धा.

तावुनी सुळाखोनी प्रीत घे महाराणी !
खूण अंतरींची घे, दोष देन या फन्दा.

प्रीत ही पतङगाची लाट का अनङगाची ?
ही मिठी भुजङगाची, सर्वनाशि हा धन्दा,

वेळ जाय हा वाया, दाव ऐकदा माया,
सिद्ध आहुती द्याया प्रेमशूर मी खन्दा.

२१ मे १९२२