पांडुरंगाची आरती - धन्य दिवस अजि दर्शन संतां...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.

पांडुरंगाची आरती ६

धन्य दिवस अजि दर्शन संतांचे, दर्शन संतांचे ॥
नांदे तया घरी दैवत पंढरीचें ॥ धृ. ॥

धन्य पुण्यरूप कैसा झाला संसारू, कैसा झाला संसारू ॥
देव आणि भक्त दुजा नाही विचारू ॥ १ ॥

धन्य पूर्वरूप ओढवले निरुतें, पुण्य ओढवले निरुतें ॥
संतांचे दर्शन झालें भाग्यें बहुतें ॥ २ ॥

तुका म्हणे धन्य आम्हां जोडिला जोडी, आम्हां जोडिला जोडी ॥
संतांचे चरण आतां जीवे न सोडीं ॥ ३ ॥

Translation - भाषांतर
N/A

References : N/A
Last Updated : 2013-02-12T21:19:16.7330000