पांडुरंगाची आरती - जय जय कटिकर विठ्ठल चिन्मय...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.

पांडुरंगाची आरती ४

जय जय कटिकर विठ्ठल चिन्मयसुख राशी ।
सर्वहि व्यापक ब्रह्म तूं पंढरपुरवासी ॥
पुंडलीकवरप्रद अपणां म्हणवीसी ।
निजभक्तांसव नाना नटवेषा धरिसी ॥ १ ॥

जय देव जय देव जय विठ्ठलराया ।
करुणामृतसुखसागर वंदित तव पाया ॥ धृ. ॥

भौमातटनिजनिकटीं राहुनियां देवा ।
विठ्ठल विठ्ठलस्मरणें तारीसी जीवा ॥
अखंड भजनानंदी दृढ धरुनी भावा ।
वैष्णव नाचति रंगणिं करितां तव सेवा ॥ २ ॥

रत्नखचित मुकुटादी तुळसीच्या माळा ।
आम्लाना कुसुमांच्या घालुनियां गळां ॥
कस्तुर्यादी तिलकें शोभविसी भाळा ।
मौनी वंदित चरणां अभेद गोपाळा ॥ ३ ॥

Translation - भाषांतर
N/A

References : N/A
Last Updated : 2013-02-12T21:19:15.6230000