तनुगतशशिपुत्रे कान्तिमांश्चातिदृष्टो विमलमतिविशालः पण्डितस्त्यागशीलः । मितमृदुशुचिभागी सत्यवादी विशाली बहुतरसुखभागी सर्वकालप्रवासी ॥१॥
भवति च पितृभक्तः सुस्थितः पापभीरुर्मृदुतनुखररोमा दीर्घकेशोऽतिगौरः । धनगतशशिसूनौ सत्यवादी विहारी बहुतरवसुभागी सर्वकालप्रवासी ॥२॥
साहसी निजजनैः परियुक्तश्चित्तशुद्धिरहितो हतसौख्यः । मानवः कुशलतेप्सितकर्ता शीतभानुतनयेऽनुजसंस्थे ॥३॥
बहुतरधनपूर्णो भ्रातृहर्ता च पापे बहुतरबहुपत्नी पूर्णगेहे स्वतुङ्गे । तरलमतिरलज्जः क्षीणजङ्घः कृशाङ्गः शिशुवयसि च रोगी बन्धुसंस्थेकुमारे ॥४॥
तनयमन्दिरगे शशिनन्दने सुतकलत्रयुतः सुखभाजनम् । विकचपङ्कचचारुमुखः सुखी सुरगुरुद्विजभक्तियुतः शुचिः ॥५॥
अरिनिकेतनवर्तिशशाङ्कजे रिपुकुलाद्भयदो यदि वक्रगः । यदि च पुण्यगृहे शुभवीक्षिते रिपुकुलं विनिहन्ति शुभप्रदः ॥६॥
तुरगभावगते हरिणाङ्कजे भवति चञ्चलमध्यनिरीक्षितः । विपुलवंशभवः प्रमदापतिः स च भवेच्छुभगे शशिवंशजे ॥७॥
निधनवेश्मनि सत्ययुतः शुभो निधनदोऽतिथिमण्डन एव च । यदि च पापयुते रिपुगेहगे मदनकाम्यजवेन पतत्यधः ॥८॥
नवमसौम्यगृहे शशिनंदने धनकलत्रयु तेन समन्वितः । भवति पापयुते विपथस्थितः श्रुतिविमन्दकरः शशिजोद्यमी ॥९॥
गुरुजनेन हिते निरतो जनो बहुधनो दशमे शशिनन्दने । निजभुजार्जितवित्ततुरङ्गमो बहुधनैर्नियतोऽमितभाषणः ॥१०॥
श्रुतमतिर्निजवंशहितः कृशो बहुधनप्रमदाजनवल्लभः । रुचिरनीलपुर्गुणलोचनो भवति चायगते शशिजे नरः ॥११॥
भवति च व्ययगे शशिनन्दने विकलमूर्तिघरो धनवर्जितः । परकलत्रधने घनचित्तवान् व्यसनदूररतः कृतकः सदा ॥१२॥