१.
बुलढाण्याला जातांना लागतो अजिंठयाचा घाट
x x x रावांचा आहे पाटलांसारखा थाट.
२.
कपाशीचं शेत बोंडांनीं फुललं, भिरभिर नजर टाकतांना
x x x पाटील खुललं.
३.
जवारीचं पीक मोत्यांचे दाणे, भरल्या शेतांतून चालले
x x x पाटील राणे.
४.
शेतीचे दागिने नांगर, ईळा, कोयता, मी रांधते बिगी बिगी
x x x पाटील खातो आयता.
५.
बुलढाण्याच्या घाटांतून मोटार चालली वळणानं लक्ष्मीसंगं
x x x बुवा गप्पा करतात ऐटीनं.
६.
विद्येचा अभिमान नसावा, स्वाभिमान देशाचा राखावा
x x x रावांसह करावी मी स्वदेशाची सेवा.
७.
कन्या होतें मी मातृगृहीं, स्नुषा होऊनी आले सासरीं
x x x राव पति मिळाले भाग्यवान मी ठरलें खरी.
८.
लालन पालन आजवरी मातेचं पांघरुण मायेचं
x x x पति मिळाले जीवन सौंगडी खरंच नशीब माझं भाग्याचं.
९.
ह्रुदयाची श्रीमंती, नीति, धर्म न त्यजीन कधीं
x x x रावांचे लाभो सहकार्य विनंती थोरपदीं.
१०.
कुणाची करुं नये निंदा, कुणाचं काढूं नये वर्म,
x x x रावांच्या जीवावर हाच पाळीन धर्म.
११.
ऋण काढून सण करणं संसाराला दूषण
x x x रावांच्या सह मानानं जगणं हेंच आहे भूषण.
१२.
मानापानासाठी खोटेपणा नसावा
x x x रावांच्या पत्नीनं हाच नियम पाळावा.
१३.
धनदौलत मिळवतांना लाचलुचपत नसावी
x x x रावांची पत सर्व लोकांत असावी.
१४.
नोकरी असो, धंदा असो, नीतिमत्ता पाळावी
x x x रावांच्या सहवासात सुंदर तत्त्वें असावी.
१५.
यमुनेच्या तीरावर कृष्ण वाजवितो मुरली
x x x रावांच्या जिवावर सगळी हौस माझी पुरली.
१६.
देशांत देश हिंदुस्थान सरसा
x x x रावांना घास घालतें गोड अनारसा.
१७.
तूप वाढण्याला घेतें चांदीचा चमचा
x x x रावांना घास घालतें बुंदीच्या लाडूचा.
१८.
नागपूर माझें माहेर, नाशिक माझें गांव,
x x x रावांचें नांव घेतें शेवंती माझें नांव.
१९.
लावीत होते कुंकूं, त्यांत होतें मोतीं
x x x रावांसारखे भर्तार जन्मोजन्मीं चिंतीं.
२०.
चंदनाचे पाट त्यावे रुप्याचें ताट
x x x राव माझे भुकेले सोडा माझी वाट.