देवी चरित्र - रंभकरंभ कथा

पुत्रकामें दैत्य रंभ आणि करंभ । करिती आरंभ तपालागी ॥१॥
एके जलामाजी एके तीरावरी । तपश्चर्या तरी मांडियेली ॥२॥
करंभ जलांत इंद्रे निवटीला । मकररुपे भला जाणावे की ॥३॥
तेव्हा अग्निसेवा रंभ करोनियां । आपणा जाळाया सिद्ध झाला ॥४॥
प्रसन्न झाला अग्नि, माग वर, म्हणे । पुत्रकाम, तेणे, सांगितला ॥५॥
जिचेवरी मन तुझे बा जाईल । तीच वरशील जरी नारी ॥६॥
तुज पुत्र होय महाप्रतापवंत । अग्नि असे सांगत रंभालागी ॥७॥
विनायक म्हणे महिषीसी मन । रंभाचे मोहून गेले जाणा ॥८॥