संस्कृत सूची|संस्कृत साहित्य|पुस्तकं|बृहत्कथामञ्जरी|सुरतमञ्जरी नामाष्टादशो लम्बकः| वत्सेश्वरभृगुपतनकथा सुरतमञ्जरी नामाष्टादशो लम्बकः शूरसेनाख्यायिका वत्सेश्वरभृगुपतनकथा गोपालसंन्यासकथा कुरङ्गाख्यायिका धीवराख्यायिका चौराख्यायिका सुरतमञ्जरीकथा तारावलोकाख्यायिका सुरतमञ्जरी नाम वत्सेश्वरभृगुपतनकथा क्षेमेन्द्र संस्कृत भाषेतील प्रतिभासंपन्न ब्राह्मणकुलोत्पन्न काश्मीरी महाकवि होते. Tags : kshemendrasanskritक्षेमेन्द्रबृहत्कथामञ्जरीसंस्कृत वत्सेश्वरभृगुपतनकथा Translation - भाषांतर श्रुत्वेति गोमुखवचो मधुलक्ष्मीं विलोकयन् । ललास दृष्टिचषकैः पिबन्मदनमञ्चुकाम् ॥२३॥ततो निशि निशाकान्तकान्तिसंताननिर्झरैः । पूरिते भुवनाभोगे स सुष्वाप प्रियासखः ॥२४॥ स चन्द्रकान्तपर्यङ्के शशीव निजमण्डले । रतिश्रमोन्मिशन्निद्रः स्वप्नेऽनिष्टं व्यलोकयत् ॥२५॥विबुद्धः शङ्कमानोऽथ पितुर्दैवपराभवम् ।स लेभे न पुनर्निद्रां विरक्तामिव योषितम् ॥२६॥चिरं चिन्तयतस्तस्य शोकाग्निव्याप्तचेतसः । नवोढेवाविदग्धस्य धृतिर्दूरतरं ययौ ॥२७॥मैत्रीव साधुशीलानां स्त्रीणां परकथेव च ।सा तस्य शर्वरी शोकात्प्रययौ दीर्घदीर्घताम् ॥२८॥प्रातर्विसृष्टा प्रज्ञप्तिविद्या तेन तदीक्षितुम् । प्राह तत्सेश्वरोदन्तं तूर्णमेत्य नभश्चरी ॥२९॥याते चन्डमहासेने सभार्ये कीर्तिशेषताम् । विधाय पालकं वीरं तत्पदे क्षितिपालकम् ॥३०॥ गोपालकं निवेश्याशु भ्रूभङ्गेनात्मनः पदे ।कालंजरभृगूत्सङ्गे दिवं वत्सेश्वरो ययौ ॥३१॥ स दिव्यपुरुषादिष्टं गत्वा यौधिष्ठिरं पदम् । भेजे ययातिशर्यातिहरिश्चन्द्रेन्द्रतुल्यताम् ॥३२॥भ्रूभङ्गेन विवासिता रिपुवधूभ्रूभङ्गलीलाश्रमा दृष्ट्वा श्रीः स्वयमर्पिता स्वसुहृदां मत्तेभकुम्भस्तनी । देवीभ्यां विहृतं हुतं द्विजमुखे नित्यं स्मृतः शंकर कर्तव्यं स्पृहणीयमन्यदुचितं शेषं किमस्त्यायुषः ॥३३॥ उक्त्वेति देवं कामरिं ध्यात्वा विगलिताग्रहः । धैर्येण सह पौराणां प्रययौ पौरवत्सलः ॥३४॥चन्द्रार्धमौलिविहितस्तुतिगीतिकाङ्का - मङ्के निधाय स तथाभिमतां विपञ्चीम् ।देवः प्रियाग्रचरमित्रकृतानुयात्रः सोऽस्ताचलादिव सहस्रकरः पपात ॥३५॥तस्मिंल्लोकत्रयीनेत्रशतपत्त्रावलिप्रिये । यातेऽस्तं जगतां मित्रे शोकान्ध्यमभजन्प्रजाः ॥३६॥इति वत्सेश्वरभृगुपतनकथा ॥२॥ N/A References : N/A Last Updated : November 02, 2017 Comments | अभिप्राय Comments written here will be public after appropriate moderation. Like us on Facebook to send us a private message. TOP