चतुर्थ पटल - अमरोलीमुद्राकथनम्

जर दैवशात् उत्तेजनामुळे किंवा मनाला व शरीराला वेग प्राप्त झाल्यामुळे अर्थात् भोगाकांक्षेमुळे वीर्यबिंदू आपल्या स्थानापासून चलित झाला म्हणजे उत्सर्गोन्मुख झाला आणि त्याचा रजबिंदूशी संबंध येऊन साधक चंद्ररूपी बिंदूचे व रजरूपी सूर्याचे समरसीकरण किंवा एकत्रिकरण करण्यात सफ़ल झाला, तर या मुद्रेला अमरोलीमुद्रा असे म्हणतात. या मुद्रेत स्वशरीरातील ढळणार्‍या बिंदूचे व स्त्री - शरीरातील रजाचे लिंगनालाच्या म्हणजे वीर्यवाही नाडीच्या द्वारा आकर्षण केले जाते.