तारंबळ होणें

मराठी वाक्संप्रदाय - वाक्यप्रचार

[तारंबळ, तारामळ, तारांबळ=ताराबल
नक्षत्रांची अनुकुलता.]
‘तदेव लग्‍नं सुदिनं तदेव ताराबलं चंद्रबलं तदेव’ हा मंगलाष्‍टकाचा श्र्लोक मुहूर्ताची घटका संपत आली म्‍हणजे फार घाईने म्‍हणतात. यावरून घाई, धांदल होणें. ‘मी आपुल्‍या गृहीची एक। तारंबळ होतसे।।’ -नव २०.५५. ‘जिजाऊ-(रुसव्या स्‍वरानें) माझी अशी तारांबळ उडावी, आणि आपण मौज पहात रहावे हे चांगले वाटले ना?’ -शिसं १.१.
अडचण, ओढगस्‍तपणा
हाल. ‘आपले सैन्य इंग्रजांपाशी चाकरीस ठेवण्याचा तह करण्याविषयी गव्हर्नरचा नानास आग्रह चालला होता
पण त्‍यास त्‍यांतला मतलब कळून एकंदर राज्‍याची जरी तारांबळ झाली होती तरी तो कबूल झाला नाही.’ -निबंधमाला.