श्रीदत्तात्रेयाचे अभंग - अपकारी आला द्वारीं उभा ठे...

दत्तात्रेय पूर्ण अवतार असून, ब्रम्हा, विष्णू आणि महेश यांचे एकत्रीत रूप आहे.
Dattatrya is considered by some Hindus, to be god who is an incarnation of the Divine Trinity Brahma, Vishnu and Mahesh.


अभंग

अपकारी आला द्वारीं उभा ठेला । दुःखें पीडियेला शांतवी जो ॥१॥

तोचि साधु भला नको टिळे माळा । देवाला कंटाळा सोंगाचा ह्या ॥२॥

दया क्षमा शांति नित्याचे सांगाती । क्रोध नसे चित्तीं देव तोचि ॥३॥

अभय अचल मन तें निर्मळ । जैसें गंगाजळ वंद्य लोकीं ॥४॥

स्वप्नीं परनिंदा नसे नीच धंदा । परोपरी वंदा जीवें भावें ॥५॥

देहदंड खंड पापाचें उदंड । मायामय बंड जेथें नसे ॥६॥

राही तो स्मशानीं ’रंग’ जनीं वनीं । साक्षाज्जनार्दनीं भेद नसे ॥७॥

Translation - भाषांतर
N/A

References : N/A
Last Updated : 2016-12-16T21:07:32.5130000