श्रीदत्तात्रेयाचे अभंग - गुरुगुण गावे जरी तुजला सौ...

दत्तात्रेय पूर्ण अवतार असून, ब्रम्हा, विष्णू आणि महेश यांचे एकत्रीत रूप आहे.
Dattatrya is considered by some Hindus, to be god who is an incarnation of the Divine Trinity Brahma, Vishnu and Mahesh.


अभंग

गुरुगुण गावे जरी तुजला सौख्य असावें ॥ध्रु०॥

काम क्रोध षड्रिपु मर्दावे ! क्षमा शांति सन्मित्र वरावे ॥

सदा संतपदकंज घरावे । तरीच जगावें ॥जरी०॥१॥

यमनियमादीं सादर व्हावें । शीलपालनीं दक्ष असावें ॥

पर उपकारी आधीं मरावें । बहुश्रुत व्हावें ॥जरी०॥२॥

परगुणकथनीं प्रेम असावें । निजकथनीं त्वां मौन धरावें ॥

दोषेक्षण अवधें सोडावें । समदृग व्हावें ॥जरी०॥३॥

पाद तीर्थयात्रें झिजवावें । श्रवण हरिकथाश्रवणीं भावें ॥

गुरुगुणगानीं मुख रत व्हावें । नम्र असावें ॥जरी०॥४॥

कीर्तीनें जग सर्व भरावें । सहज कर्य तें नित्य करावें ॥

’रङ्ग’ वासनामूळ नसावें । स्थिरमति व्हावें ॥जरी०॥५॥

Translation - भाषांतर
N/A

References : N/A
Last Updated : 2016-12-16T21:07:31.9200000