मूलं भुजङैगः शिखरं प्लवङैगः
शाखा विहङैगः कुसुमानि भृङैगः ।
आसेव्यते दुष्टजनैः समस्तै-
र्न चन्दनं मुञ्चति शीतलत्वम् ॥३४॥
वासः काञ्चनपिञ्जरे नृपवरैर्नित्यं तनोर्मार्जनं
भक्ष्यं स्वादुरसालदाडिमफलं पेयं सुधाभं पयः ।
वाच्यं संसदि रामनाम सततं धीरस्य कीरस्य भो
हा हा हन्त तथापि जन्मविटपिक्रोडं मनो धावति ॥३५॥
अगाधजलसञ्चारी विकारी नैष रोहितः ।
गण्डूषजलमात्रेण शफरी फर्फरायते ॥३६॥