ऋध्दिपुरवर्णन - प्रकरण ३१ ते ३५

प्रकरण ३१ : भीतभंग वर्णन, ओव्या १४

तवं भीतभंगीं चहूंकडे : वानिलगा वस्त्राचे वोसाडे : जी पाहताम पुरवीती कोडें : दृष्टीचीं ॥४२३॥
कीं झळंबाचेनि मीषें : आनुरागें रातला असे : मठ जेवि भुवनेषें : सांडिलेयां ॥४२४॥
कीं देवो स्वरुपें नीर्गुण : भणौनि वस्त्रांचीया खुणा : मागें लागलेया गुणा : जाला वीसांवा तो ॥४२५॥
ना तया राजमठा : सदैवीं आणिला दुखवटा : भणौनि पांगरवीला सवकटा : मीसें झळंबाचेनि ॥४२६॥
वस्त्रें बाहें पांगुरता : तरि हा स्लेसू घडता : परि देवाचा तो आंत धडौता : बाहीर दीनु दिसे ॥४२७॥
ऐसी भींतभंगा नीहटीई : सपोतें मांजीटीं : वस्त्रे वोळगवीलीं श्रूष्टी : नीरुपमें ॥४२८॥
सूसाइलीं नखवी एकें : कव्हणा साध्यातें नाटकें : तें रसभावीं रुपरेखे : कवण जाणे ॥४२९॥
अस्वगजनरवाणी : मध्ये ठांईं ठांइं पेखणी : ठसे पाहातां रुपति आंतष्करणी : स्वभावपणें ॥४३०॥
तलंगीसी कमळें : चारा वांटिति मराळें : नारीकूंजाची दीकूळीं : राजवल्लभें ॥४३१॥
ऐसी तीयें वस्त्रे वाणी : आपुलीं ठेविली कृपीणी : आगसीकें वेढूं म्हणौनी : गोसावीयाची ॥४३२॥
न लगतां काळाचे पांसे : एक सदैवं आहाति ऐसे : जे राऊळीं घालीति ठसे : आपूलेया जोडीलेयांचे ॥४३३॥
परि ब्रह्मयांचेनि सळें : झणी उठीति कव्हणी वेळे : कां जें आमृतश्रावीये डोळे : माझीया स्वामिचे ॥४३४॥
जवळि प्रपंचू ना ठसे : द्वापरीं प्रकटलीं गोपवछें : तेवी श्रीप्रभुचेनि कृपावसें : जीति पां ॥४३५॥
ऐसे भावभ्रमीत बोले : चीत तेथौनि नीगालें : तवं पूढां उभे देखीलें : स्थबद्वयें ॥४३६॥

प्रकरण ३२ : देवळामधील खांबवर्णन, ओव्या ३

कैसे परोपकारी भले : जे देवाचेया संबंधा गेले : जयावरि आसे उभलें : आसेष तें ॥४३७॥
परि ते भारु कैसे : देवाचेनि कृपावसे : दोन्ही मांडले सरिसे : चौरसू भणौनि ॥४३८॥
जो परात्परु : जेहेंसी क्रीडा करी ईश्वरु : भणौनि साष्टांगीं नमस्कारु : करुनियां ॥४३९॥

प्रकरण ३३ : नृसिंहवर्णन, ओव्या १०

तेविचि पाहातां रचना : धृति नाहीं मना : तवं पूढा देखीलें सींहासन : भीतभंगेंसी ॥४४०॥
वेढिली पातळें : वस्त्रे स्वेतें सोहजळें : सर्वागें बाहाकाति परिमळें : सुकडीचेनी ॥४४१॥
वीकराळा वदनावरी : भाळीं बावनयाचीया भोरी : मूगट आछादले विखूरी : सतपत्रांचीया ॥४४२॥
तया देवाचेया सन्निधीं : भणौनि पातले उपाधी : की कणव करुणानीधी : उरवीली तेहीं ॥४४३॥
आपुलेनि नखें एकें : जो हीरण्यातें जींके : तोचि राउळीचीया जवळीके : नीःकामू सदा ॥४४४॥
संपूर्ण सींहू ना नरु : देवताआंगी वेभचारु : वरि अवतरावेया दातारु : स्थान केला ॥४४५॥
तया आनन्या देवाचें : सान्निधान कैचें : परि साहे केलें भाक्ताचें : भणौनि पढियेति ते ॥४४६॥
भक्तातें दुरि धरी : आंगेसी वैरी : या आपराधा गोसावी जरी : कोपति पां ॥४४७॥
भणौनि परिहारा मीसें : बोलावेया पसरीली मूखें : अंतर नीष्कपट चोखें : दावीति जैसें ॥४४८॥
असो हे नरकेसरी : साष्टांगें नमस्कारी : तवं देखे हस्तांतरीं : स्थान एक ॥४४९॥

प्रकरण ३४ : ओटावर्णन, ओव्या ६

परहातें वाढविला : भणौनि गजप्रमाण रचला : तो उच वोटा देखीला : नीतळ नीटू ॥४५०॥
कैसा साधला आवो : जो भक्तीचा नीजठावो : भणौनि वेळोवेळां देवोरावो : गीवसूं येति ॥४५१॥
तो पुलींग परसया : जेथ मूळ बांधलें अबैया : तो वोटा आवडे वनमाळीया : सदाफळू ॥४५२॥
तेथ सूमनत्वें वासु आगळा : परि सेवा एइल फळा : भणौनि साकर घालीजे आळां : सर्वज्ञरायें ॥४५३॥
जगजिवनाचीया आवडी : पंचधारकरी परिवडी : भणौनि प्रेमाचां डीरीं खोडी : सांसीनली जेथ ॥४५४॥
ऐसीया वीशेष स्थाना : साष्टांगी केलें नमन : तवं दक्षेणें देखे मर्दना : भुमी एकि ॥४५५॥

प्रकरण ३५ : मर्दनास्थान, ओव्या ३४

सदैवी आपुलां हातीं : जेथ चौके भरिले नीगुतीं : जे बरवेपणें घेउनि बैसती : दृष्टीतें ॥४५६॥
रेखिली परिकरें : सपुरें सर्वतोभद्रें : जेथची कुसरी नेत्रें : परिषवे ना ॥४५७॥
नागबंधा पैलिकडे : सूरेख संख चोखडे : गर्भी रचीलीं उदंडें : अष्टदळें ॥४५८॥
हरित पीत काळी : बाहुल्यें स्वेत रांगवळी : चौकावरि जीवाळीं : नवरत्नांचीं ॥४५९॥
चौक नव्हेति साच : पृथवी दाटले रोमांच : रजीं उज्रंभु सत्वाचा : हें देवाचेनी ॥४६०॥
सूखदानि सूल्लभु : नीष्कामाचा वल्लभु : तो फावला श्रीप्रभु : जीये सदैवेसी ॥४६१॥
तीया आपुलेनि कूपात्रपणें : प्रूथवीया आछादिलें मी म्हणें : चौके नव्हे लाजिरवाणे : दाखवी जैसें ॥४६२॥
की सेवीतां चराचरा : माझा स्वामि गोडिरा : भणौनि धावतु आली वसुंधरा : मीसें चौकोचेनि ॥४६३॥
तैसी चौकरचना : मंडन केलें स्थाना : म्हणे एथ होए मर्दन : स्वामि माझेया ॥४६४॥
जेथ बूधीचा विटाळु : नाहीं मनासि आतळु : कहीं न स्पर्शे संचळु : नीजवाणिचा ॥४६५॥
जें विवेकाचे देखणीं : सूखाचें विसवणें : आमृता गोडिरपणें :अभिळासू जया ॥४६६॥
मया (हा) तेजाचा उजियेडु : जो आकासाचा पवाडु : सत्यासि साचपणें गुढू : पदार्थ जो ॥४६७॥
जो आगांधांसि आगाधु : सीधांसि असाध्यु : ज्ञानासि प्रतिबोधु : जाणता जो ॥४६८॥
आपुलेनि गोडिरेपणें : जया स्वरुपस्वरुपीं रमणें : तो की मानितु असे मादनें : कृपावसें ॥४६९॥
आपण वीस्वबिजाचा रासी : हॄदई सांटवला जयांसी : भणौनि काइ मळवटयासी : तेंचि नावं ।\४७०॥
जर्‍ही नानावीध दळीं : भवितां सर्वकाळीं : कस्तूरियेचा परिमळीं : काई विशेषू दीसे ॥४७२॥
दीपकाचेनि बंबाळे: दिवसू केवि उजळी : विजण्दयाचेनि मळयानिळें : काइ चांदिणें स ( सै ) त्य होए ॥४७३॥
भणौनि फळौलेयाचिया योग्यता : महिमा ए सारस्वता : विषइं परमार्था : काई बिक चढें ॥४७४॥
बाराखडियेचा अक्षेरीं : काइ स्लाग्यता आति आघोध्वरी : कळसोदकें समुद्री : काइ भरितें ये ॥४७५॥
तैसें नीर्मळा नीर्दोसा : केवळा स्वयंसूखा : सूखोपचारीं देखा : काइ तोख आती ॥४७६॥
वरि भवभुजंगाची दाटी : जियेचेनि संकेतें उठी : ते माउली जीवूसृष्टी : वरि लोभापरु ॥४७७॥
ते नीराकारातें आणी आकारा : नीष्कामा दावी संसारा : उदासातें जोजारा : आंतु घाली ॥४७८॥
आमूर्तातें मूर्ति लेववी : संपूर्णा चाड उपजवीं : कूटस्तातें हिंडवीं : माउली ते ॥४७९॥
ते आनुर्वाच्याते बोलवी : अव्येक्तातें दाखवीं : नीर्गुणा उपजवीं : गुण गोडिसे ॥४८०॥
आनादीतें करी बाळु : सांता उपजवी खेळु : स्वयेंबोधा क्रीडावेळु : गमवीतु असे ॥४८१॥
जो आगाधपणें उगला : घे सृतीसीं अबोला : तो आर्ती बोलावीला : सादु दे ॥४८२॥
जयाचेनि नीत्यतृप्तपणें : एज्ञोपचारी लाजिरवाणें : तो न बोलवितां आरोगणी : बीजें करी ॥४८३॥
काळाचेया मूगटावरी : जयाचीयें आज्ञेचि चाउरी : तो की भणितलें करी : आर्वाचिकाचें ॥४८४॥
जयाचिये गाविंचा मार्गु : चूके साध्याचा वर्गु : तो द्यावेया आपवर्गु : धाम्वें घरोघरीं ॥४८५॥
परि हे ते जाणी वर्म : ज्या अवतरविलें परब्रह्म : जीवांचे संसारश्रम : देखौनिया ॥४८६॥
जिए माउलीयेवीण : आमचें सोच्यपण : तया दातारासि कवण : कवण उपजवी हे ॥४८७॥
सदा नीर्गुणा स्वरुपा : जरि जवळि नसती कृपा : तरि उदासा बापा : केवि होतें आपूलेपण ॥४८८॥
कींबहुना यापरी : मर्दनास्थान नमस्कारी : तवं रंगमाळिका देखे कूसरी : आरोगणभूमी ॥४८९॥