छंदोमंजरी - परिशिष्ट इ

आम्हांजवळ असलेल्या छंदोमंजरींत नसलेले, परंतु वृत्तदर्पणांत रामजोशी यांच्या नांवावर घेतलेले श्लोक.
मालती : -
निशिं सुजना तिजला घरीं पहा
नयन सुखावह रत्न हें महा ॥
नगमणि घालुनिया दिसें कशी ।
कनकलता नवमालिति जशी ॥
असंबाधा : -
मोठे दाते ते तनुधनसह गेले कीं ।
स्वर्गा त्यांचे भूवरि सुत नुरले लोकीं ॥
गौळी यांतें तो यदुपति दिसतो साधा ।
भक्तांची जो दूर सहज करितो बाधा ।