चतुर्थ पटल - मूलबन्धकथनम्

पादमूलेन संपीड्य गुदमार्गेषु यन्त्रितम् ॥६४॥

बलादपानमाकृष्य क्रमादूर्ध्व सुचारयेत् ।
कल्पितोsयं मूलबन्धो जरामरणनाशन: ॥६५॥

अपानप्राणयोरैक्यं प्रकरोत्यधिकल्पितम् ।
बन्धेनानेन सुतरां योनिमुद्रा प्रसिद्ध्यति ॥६६॥

सिद्धायां योनिमुद्रायां किं न सिद्ध्यति भूतले ।
बन्धस्यास्य प्रसादेन गगने विजितानिल: ।
पद्मासने स्थितो योगी भुवमुत्सृज्य वर्तते ॥६७॥

सुगुप्ते निर्जने देशे बन्धमेनं समभ्यसेत् ।
संसारसागरं तर्तुं यदीच्छेद्योगिपुङ्गव: ॥६८॥