अष्टक २ - यामिनीस शोभवीत, चंद्र तो ...

देवी देवतांची अष्टके आजारपण किंवा कांही घरगुती त्रास होत असल्यास घरीच देवासमोर म्हणण्याची ईश्वराची स्तुती होय.
Traditionally,the ashtakam is recited in homes, when some one has health or any domestic problems.


अष्टक २
यामिनीस शोभवीत, चंद्र तो प्रजापती । दुर्वास अवतार, तोचि श्रीरमापती ॥ श्रीरमापतीच अत्रिआश्रमात राहिला । तो अनाथनाथ-दत्त, माहुरांत पाहिला ॥१॥
जो अखंड चंद्र श्रीमुगेंद्र नाम शीखरीं । जो पाहावयासि होति, वासना मसी खरी । म्यां वियोग-ताप त्या, चकोरतुल्य साहिला । तो अनाथनाथ-दत्त, माहुरांत पाहिला ॥२॥
मायही यदा कदा, पिता कुमार मारवी । सद्‌गुरूस हांसतील. कीं उमा रमा रवी ॥ जो कुठेंचि नीगमास, दीसला न गाइला । तो अनाथनाथ-दत्त, माहुरांत पाहिला ॥३॥
अर्जुना अधीक आपुल्याहिहून बाहु दे । याचका उचीत दान दे बहूत बाहुदे ॥ जो सुरासरें धराधरें नरेंहि गाइला । तो अनाथनाथ-दत्त, माहुरांत पाहिला ॥४॥
धर्म अर्थ काम मोक्ष, ग्राम गाणगापुर । श्रीगुरुचरित्रनाम, हेंचि गाणं गा पुरं ॥ नारसिंह श्रीसरस्वती स्वरूप जाहला । तो अनाथनाथ-दत्त, माहुरांत पाहिला ॥५॥
ज्या कधींहि कष्टती न, पातकांसि तासिता । वांच्छिती सदैव पाद, मृत्तिका सिताऽसिता । जो समस्त योगज्ञानि, नन्मुनींनिं ध्याइला । तो अनाथनाथ-दत्त, माहुरांत पाहिला ॥६॥
जो रवीशशीस स्वप्रकाश रंग वर्णवी । जो प्रबोध-ज्ञान-सिंधुचे तरंग वर्णवी । जो घटांत ही मठांत, भूपटांत लीहिला । तो अनाथनाथ-दत्त, माहुरांत पाहिला ॥७॥
जो न लोटितांहि जाय, भक्त लालसें दुर । जेंवि कां पटासि स्नेह, सक्त लाल सेंदुर ॥ कीं रुपज्ञ मानिताति आम्रवृक्ष कोकिला । तो अनाथनाथ-दत्त, माहुरांत पाहिला ॥८॥
जो अनंदकंद मंद-हास्य मुख साजरा । पंकजासनीं गमेचि, नीलपंखसा जरा । जो सुगंधगंध देत, पाच जाइ जुइला । तो अनाथनाथ-दत्त, माहुरांत पाहिला ॥९॥
जो त्रिगुणरूप पूर्ण, ब्रह्म आजरामर । ज्यासि सामरादि लोक, वारिताति चामर । जो अनसूयेचिया निजूनि पायिं नाहिला । तो अनाथनाथ-दत्त, माहुरांत पाहिला ॥१०॥
हे सुधाकरासि देति, पुष्टि श्लोक आकरा । कोण या नको म्हणेल, पुण्यश्लोक ‘आ’ कार । विष्णुदास या कथामृतासि पिउनि धाइला । तो अनाथनाथ-दत्त, माहुरांत पाहिला ॥११॥
चामर अष्टक
Translation - भाषांतर
N/A

References : N/A
Last Updated : 2013-09-27T05:45:36.4970000