फाल्गुनमास: - वसन्तोत्सवविधि:

॥ वसन्तोत्सवविधि: ॥

वसन्तारम्भोत्सवविहितं तैलाभ्यङ्गपूर्वकं मङ्गलस्नानं विधाय रङ्गवल्ल्यादिशोभिते गृहाङ्गणे भद्रपीठे उपविष्ट: सुवासिन्या कृतनीराजन: सचन्दनमाम्रकुसुमं प्राश्नीयात् । तत्र मन्त्र:-चूतमग्रयं वसन्तस्य माकन्दकुसुमं तव । सचन्दनं पिबाम्यद्य सर्वकामार्थसिद्धये ॥ तत: वसन्तोत्सवनिमित्तं यथाशक्ति ब्राह्मणभोजनादि कुर्यात् ॥