प्रकाशित कविता - फटकळ अभङग १

[छन्द देवद्वार]

१.

चालला असेल आज नामघोष - काय कण्ठशोष देवासाठी !
माणूसपुराचा राऊळाला वेढा, विठ्ठलाचा वेडा भक्तगण.
चन्द्रभागेकाठी वालुकेचे कण, त्यांहूनहि जन उदण्ड ते.
विठ्ठल विठ्ठल ! तुम्बळ गजर, कोन्दलें अम्बर टाहोने त्या
चौदा चौकडयांचें राज्य मूल्यहीन, देवपदीं लीन भागवत.
प्राण गेला जावो देवाचिये द्वारीं, मोक्षाची पायरी भेटली ना ?
कासया हें जिणें ? दे गा देवा, मुक्ति; काहीतरी युक्ति कर राया,
विटेवर पाय कटीवर हात, तटस्थ पहात ऊभा कां तू ?