भक्तिगीते - वरद हस्त

- ओवी -

ज्ञानियांचा तो सागरु । नामदेवा, केला गुरु ।
जाति - वर्ण कवाडाला । उघडोनि पार केला ॥१॥
तोच अवघ्यांचा सहकार । यत्ने व्हावया उध्दार ।
वास्तु - रचना ती साकार । सगुण रुपे ठाकेल ॥२॥
पुण्यपत्तनाचे भूषण । रचना आदर्श हीच जाण ।
हेतू व्हावा परिपूर्ण । याविण परते न मागण ॥३॥
नाम गुरुंचे लाभले । ज्ञान - कुशल सामावले ।
निर्मल - सहकारी हस्तांनी । नगरी पावेल नामरुपी ॥४॥
वसा हाच अंतर्यामी । परिसीमा - प्रयत्न या कामी ।
धेय गाठण्या परिणामी । वरद - हस्त आम्हा लाभो ॥५॥